طرق إزالة الملل للبنات " مضمونه " ههههه{~

طرق إزالة الملل للبنات " مضمونه " ههههه{~

--------------------------------------------------------------------------------


{:: السلام عليكم ورحمة الله وبركاته ::}


شحالكم علومكم يا بنيات .. بلاكم متمللين


افااااا عليكم بس ..


اليوم يبت لكم طرق تتخلصون من هالملل والروتين الممل


اتبعو الخطوات ... وموفقين هههههههه







1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتج ومنها راح تجددون علاقتكم ومنها تشغلين التلفون 12 ساعة


2 - اطلعي الحوش ولا السطح و افرشيلج فرشة وانسدحي على ظهرج وتآملي النجوم واسترخييييييي وتاملي؟!؟!؟


3 - قصي اطراف شعرج ..كل ما مليتي روحي عند المنظره وقصي الاطراف(بس شوي شوي منها) ..اراهن انكم بتصلعون على هالحالة


4 - امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..


5 - روحوا الجمعية وامسكوا السله ودوروا فيها وصقعوا بخلق الله وقولوا :اووه آسفة مادريت


6 - امسكي الريموت كونترول واحذفي كل المحطات من الرسيفر وارجعي حطيهم من جديد (هذا ويهي ان رجعتي منهم شي


7 - تحدوا انفسكم تقعدون نص ساعة كاملة بدون ماتتكلمون مع اي احد او تفتحوا حلجكم ..نص ساعة طبعا بوجود الجميع (مااحد يقدر يسويها)


8 - سوي عصير برتقال واشربيه ؟؟؟


9 - غيرى مكان اثاث دارج


10 - اقروا مجلة اطفال (ميكي وماجد)


11 - البسي ملابس شباب ثوب وغترة وخرعوا اهلكم !!



12 - لو خذيتي دوش وقعدتى ساعتين بالحمام >>
هذا ويهى.. اذا ما طلعتى تدورين الفراش ..


13 - نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم


14 - روحوا مواقع بطاقات وكاردات وارسلوا لصديقاتكم ..


15 - الفي مسجات جوال ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..



16 - ادخلي غرفتج وحطي مكياج كاامل جنج رايحة عرس ولطخي ويهج تلطخ وتصوري ..حركة صح؟كخخخخخ



17 - امسكي دفتر تلوين اطفال واقعدي لوني ...كخخخ

18 – اذا مليتي افتحي دولاب ملابسج واقعدي قيسي ملابسج بدلة ورا الثانية<< يمكن ييصبح الصبح ونتي ماخلصتي من كثرهم


19 - روحي المطبخ سوي كيكة (هذا ويهي اذا حد كلها )



20 - سوي ايميل يديد واقعدي العبي على اللي تعرفينهم ..



21 - تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم



22 - اركبي السيارة وهي موقفة داخل البيت جنج تسوقين


23 - اطلعي وانزلي الدرج عشرين مرة .. منها تتمشين ومنها تنحفين<< ذبحتكم القعدة والفضاوة



24 - اقعدي على الكومبيوتر والعبي فيه مثل العادة


25 - اطلعي الحوش..وصيديلج حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلونها وقت طويل عشان ماتتعذب <<<والله من العطف عندكم يالبنات



26 - خذي مجلات جديمة واقعدي قصقصي صور ولصقيها بلوحة (بتطلع المواااااهب)



27 - اطلعي حوشكم ..والعبي كورة..وكسري لمبات البيت ..خخخخخ


هاه شو ... بشرو.. عيبتكم الطرق خخخ



((منقووووول لعيوونكم))





تحياتي

{:: عيسى غوانمه::}